Predsjednik Vlade Milojko Spajić se u razgovoru za Stuttgarter Zeitung Magazin osvrnuo na djetinjstvo, ističući da je odrastao u vrijeme jugoslovenskih ratova.
Na pitanje kako se sjeća tog vremena kada je bio dijete i kada je Crna Gora još bila dio Jugoslavije, rekao je da je rođen 1987. godine i objasnio šta to znači.
“To znači: Vrijeme kada sam počeo svjesno da sagledavam svijet oko sebe bile su godine od 1990. do 1993. godine, vrijeme jugoslavenskih ratova. Moja baka, moj otac, moja majka, svi su stalno gledali vijesti”, kazao je Spajić.
Svi su bili zabrinuti…
“Svi su bili uplašeni – a ja sam bio iznerviran jer nisam mogao gledati crtane filmove. To je jedino čega mogu da se sjetim o politici tog vremena. Crna Gora je bila jedina država u bivšoj Jugoslaviji na čijoj teritoriji nije bilo vojnih dejstava. Borbe su bile u Bosni i Hercegovini, u Hrvatskoj, u Sloveniji, na Kosovu, u Srbiji. Svuda. Ali u Crnoj Gori situacija je zapravo bila mirna i stabilna – osim straha koji je bio u vazduhu”, dodao je Spajić.
