Predsjednik Skupštine Crne Gore Andrija Mandić čestitao je svim građanima Crne Gore Njegošev dan.
Kako je napisao na društvenoj mreži X, ovaj dan je od izuzetne važnosti za cijelo društvo i koji je sa punim pravom postao državni praznik kulture.
“Trag koji je Njegoš ostavio na samom biću našeg naroda je neizbrisiv i njegovo stvaralaštvo predstavlja kičmu narodne kulture, pismenosti i duhovnosti. Proglašenjem dana rođenja Petra II Petrovića Njegoša za državni praznik, prekinut je negativan odnos bivših vlasti koje su ovog vladarskog i literarnog gorostasa konstantno srozavale”, napisao je Mandić u čestitci.
Njegoš je, kako kaže, kao ličnost bio ujedinitelj.
“On je kroz svjetovnu i duhovnu vlast činio sve da svojim sunarodnicima donese mir i bratsku slogu. Zato imamo dužnost da se ovom velikanu odužimo tako što ćemo stvarati bolju budućnost kroz očuvanje tradicije i ideja razumijevanja, tolerancije i suživota u našoj zemlji”, piše u objavi.
